قالو ناس زمان :
عند رخصوا تخلي نصوا .شحال من واحد ملي تيبغي يعدد تيلقى المطلقات المحاكم هوما لي موجودات أكثرية في السوق زواج التعدد ،تتقول ليك المطلقة المحاكم مطالبة والو بغيت راجل يعففني مسكين الاخ تيكون مغفل معارفش المصيدة لي غادي ييطح فيها وانها باغا ديرك مشروع وتستتمر فيك بعد الزواج و دخلك دوامة الاستنزاف المادي و المعنوي ،سواء خديتها بالشرعي او بالثوتيق تتقولك مشي مشكل المهر عطي قد جهدك..ولكن تتخرج منك اموال طائلة .
1 : كري ليا برطمة وفرش على قد الحال وانت مع ما تترضاش تتكري برطمة كبيرة باش تاخد راحتك خصوصا عندها ولادها .وتتجيب ولادها تخشيهم فيها
2: ولادها تتجيبهم لك مع الدخول المدرسي او تتدير ليهم انتقال وتتجيبهم حويجهم كاشفين وسبرديلات مقطعين باش يبقاو فيك وتكسيهم وتشري ليهم الادوات والكتب…،
3: تتلعب معاك اللعبة زعمة راه ولادها أيتام وهوما راه عندهم باهم مزوج بكر وعايش الحياة ماكين لا صداااع راس لا استنزاف .
4: ديما تتلقاها ديما تتواصل مع الرجال باش تحط شي واحد فيهم رومبلاصوا ، باش اذا عقت بيها غادي تنقز عندو كيف نقزت عندك .
5 : لي جبتيها ليهم ماكلة تتلقاها طارت بزربة لدرجة انك تتولي تصير على بيت المطلقة كثر من بيت الاول وتتولي تسلف وتكلف باش ترضيها وهي راها داخلة معاك في خطة باش وترهقك مادية ومعنوية ، وباش تتأثر وتولي معصب خصوصا الزوجة الأولى غادي يتنقصو ليها الموارد داكشي غادي تبدا تنكر عليك وغادي يوقع تصادم بينك وبين الزوجة الأولى ممكن وصل الطلاق وتولي خدااام على المطلقة ولادها حياتك كاملة،
آخيرا : اخي الحبيب انصحك لوجه الله اذا بغيت تتزوج الزوجة الثانية فوت عليك مطلقات المحاكم وخود بكر تزوج بيها غادي تعيش مرتاح من البداية وحتى اذا مشات لك الزوجة الأولى راك جايب بكر تولد معاها وليداتك ماكينش لي غادي يعيب عليك ، اما اذا خديتي مطلقة المحاكم بولاد راه غادي يقولو لاح ولادو ومشا هاز ولاد سيادو .
تعليقات
0